МНР И ВЛАДАТА ТВРДАТ ДЕКА НЕМАЛО ПРИТИСОЦИ

Шефот на дипломатијата, Бујар Османи вели дека Министерството за надворешни работи никогаш не правело притисок по однос на содржината на разговорите и одлуките што ги носат членовите на Комисијата за историско-образовни прашања со Република Бугарија. 

Вчера се одржа првиот ден од средбата и Османи се надева дека ќе има напредок. 

„Се надевам дека денеска ќе има прогрес, членовите на Комисијата имаат прво и да се повлечат или да останат, и порано имаше неколку членови коишто се повлекоа заради различни причини, меѓутоа овој процес продолжува и ги охрабрувам членовите на Комисијата да се обидат да најдат решение за да се оди напред во договарањето“, вели тој. 

ПОВТОРНО НАД 400 ЗАРАЗЕНИ СО КОРОНАВИРУСОТ

Министерството за здравство информира, согласно податоците од Институтот за јавно здравје дека во последните 24 часа:

Направени се 3.209 тестирањe, а регистрирани се 411 нови случаи на КОВИД-19:

Скопје – 198, Куманово – 40, Штип – 19, Велес – 18, Кавадарци и Кочани – по 16, Прилеп – 15, Битола – 13, Крива Паланка – 10, Тетово и Радовиш – по 7, Струга – 6, Струмица и Пробиштип – по 5, Гевгелија, Неготино и Ресен – по 4, Охрид, Кичево, Свети Николе, Богданци, Крушево и Македонска Каменица – по 3, Валандово и Демир Хисар – по 2, Делчево и Виница  - по 1.

Регистрирани сe 271 оздравен пациент од: Скопје  –  120, Куманово – 22, Велес – 15, Крива Паланка- 14, Битола – 12, Штип и Тетово – по 11, Кичево – 10, Кочани и Прилеп – по 8, Кавадарци и Кратово – по 7, Струмица – 6, Гевгелија – 5, Неготино и Свети Николе – по 3, Радовиш, Пробиштип, Ресен, Охрид, Македонска Каменица, Валандово, Демир Хисар, Виница и Македонски Брод  - по 1.

ЗАЕВ ВЕТИ ПОВИСОКИ ПЛАТИ

Oд јануари минималната плата ќе биде 300 евра, вели премиерот Зоран Заев. 

„Посветени сме на реализација на стапките на економски раст од 4-5% и покачување на платите сѐ со цел подобрување на стандардот на граѓаните и економијата во земјата. Минималната, просечната плата и пензиите ќе продолжат забрзано да растат. Од 1 јануари 2022 година, просечната плата ќе биде 500 евра, а минималната плата 300 евра. Грижата за сите граѓани продолжува“, напиша Заев  на Фејсбук. 

Просечната месечна исплатена нето-плата по вработен, во август била 28.642 денари.

ЧИТАЈТЕ УШТЕ

Статистичките податоци низ годините покажаа дека во земјава четвртина или петтина од луѓето живеат во сиромаштија, а најпогодени се семејствата со повеќе членови. Сиромашни се и самохраните родители кои издржуваат деца, но и дел од вработените луѓе.

Вкупниот реализиран буџет на Град Скопје, претходно усвоен од Советот, во 2020 бил точно 100 милиони евра, но градската власт има индиректно финансиско влијание и преку дејностите на неколку јавни претпријатие чиј основач е. 

Дали наскоро ќе има промена на играта на глобално ниво со пандемијара на корона вирусот? Откако фармацевтскиот гигант Мерк го разви лекот против ковид-19 за кој студиите покажуваат дека може да спречи смртен искод, како и потешки облици на болеста, експертите сметаат дека можеби ова достигнување конечно ќе ја сузбие пандемијата.

Добро е што државата се обидува да набави јаглен за РЕК Битола, коментира за Фактор Кочо Анѓушев, сопственик на „Фероинвест“ и поранешен вицепремиер за економски прашања.

Државната изборна комисија конечно ја преброја излезноста на првиот круг од локалните избори 2021 година, што се одржаа во неделата.