НОВИ ЖАРИШТА ВО МАКЕДОНИЈА

Бегајте, евакуирајте се, човечкиот живот е бесценет, порача директорот на Центарот за управување со кризи Стојанче Ангелов. 

Тој попладнево изрази сочуство до сопругот на жената од селото Челопек, во Старо Нагоричане која загина во пожарот што го зафати селото. Го повика граѓаните да бидат внимателни, затоа што еден отпушок од цигара може да убие. 

„Безбедноста на прво место на луѓето, куќите ќе ги направиме. Ќе помогне владата, ќе помогне општината. Дрвјата ќе пораснат, нема за една година, им треба многу време, но колку буки или борови вреди еден човечки живот“, праша Ангелов.

Пожарите кај Охис и во Кучково се изгаснати, но има и нови жаришта. 

ПРИВЕДЕНО УШТЕ ЕДНО ЛИЦЕ ЗА ПРЕДИЗВИКУВАЊЕ ПОЖАР

Уште едно лице е приведено за предизвикување на пожар, соопшти полицијата. 

Полициски службеници од СВР Битола-ОВР Ресен денеска го лишија од слобода К.С. од с.Лева Река, ресенско поради постоење основи на сомнение дека го предизвика пожарот во Лева Река, во кој беше опожарена нискостеблеста шума, кој во 17.40 часот е ставен под контрола. Тој е приведен во полициска станица и се работи на расчистување на случајот.

ДЕНЕС ИМА 219 ЗАРАЗЕНИ СО КОРОНАВИРУСОТ

Министерството за здравство информира, согласно податоците од Институтот за јавно здравје:

Во последните 24 часа се направени 4.713 тестирања, а регистрирани се 219 нови случаи на КОВИД-19:

Скопје и Тетово – по 65, Куманово – 20, Гостивар – 19, Струмица – 7, Кичево – 6, Битола, Струга, Берово и Виница – по 4, Прилеп и Кочани – по 3, Велес, Кавадарци, Штип, Радовиш и Дебар – по 2, Охрид, Ресен, Македонска Каменица, Македонски Брод  и Пехчево – по 1.

Регистрирани сe 30 оздравени пациенти од: Скопје – 9, Тетово – 8, Гостивар – 3, Куманово – 2, Прилеп, Струмица, Кочани, Кичево, Гевгелија, Радовиш, Делчево и Валандово – по 1.

ЧИТАЈТЕ УШТЕ

Многу се мали шансите стакло во природа да предизвика пожар, вели Ефтим Митров, раководител на пиротехничари во Дирекцијата за заштита и спасување. 

Првиот човек на Комерцијална банка, Хари Костов, според количината на акции што сега ги поседува во банката, се доближува до еден отсто од акционерскиот капитал.

Министерството за политички систем и односи меѓу заедниците, со кое раководи првиот вицепремиер Артан Груби од редовите на ДУИ, вработува дури 166 лица.

Пожарникарите иако се во првите борбени редови за гаснење на еден од најзастрашувачките природни феномени кои го загрозуваат човекот, немаат основни плати ниту од 20.000 денари, а месечните доходи им се многу помали од оние на полицајците и професионалните војници.

Три години беше прв човек на Државниот пазарен инспекторат и успеа од него да направи респектабилна институција. Бројот на пазарните инспектори двојно порасна, од 90 на 187, а тие добија и повисоки овластувања и станаа „страв и трепет“ за оние што сакаа да го кршат законот, особено во време на корона и строги мерки за заштита на граѓаните.

Иако делта варијантата не е се уште доминантен сој на корона вирусот во Македонија, бројот на позитивни со корона вирусот е во пораст, но тоа што повеќе загрижува е што во изминативе денови има нови хоспитализации. Од Министерството за здравство за Фактор потврдуваат дека само во последните 24 часа има 105 пациенти кои се примени во болниците ширум земјава.