ФАКТОР НА ДЕНОТ: Бугарското МНР се огласи за клубовите во земјава, ќе дадат поддршка
БУГАРСКОТО МНР СО ПОДДРШКА ЗА БУГАРСКИТЕ КЛУБОВИ ВО ЗЕМЈАВА
„Тие ќе имаат можност или да ги променат имињата или да си ги бараат правата преку суд. Бугарската држава ќе ги поддржи и во двата случаи“, велат денеска од бугарското министерство за надворешни работи за БГНЕС откако во македонското Собрание беа изгласани законските измени за здруженија и фондации.
Ова го изјави во одговор на прашање на БГНЕС, главниот експерт во Министерството за надворешни работи Жељазко Радуков на редовниот брифинг на ресорот.
„Дали Венецијанската комисија може да го запре спроведувањето на законот - практично не, затоа што - пред се, одлуките на Венецијанската комисија се советодавни, а не задолжителни. Второ, одговорна влада, кога оди да бара мислење од Венецијанската комисија, тоа го прави во моментот кога законот се уште е предлог закон, а не кога е веќе усвоен“, објасни тој.ГОЛЕМА ПОЛИЦИСКА АКЦИЈА ВО СКОПЈЕ
Голема полициска акција има во Скопје, при што неколкумина се приведени и пронајдени се оружје, муниција и дронови.
Полициски службеници од СВР Скопје денеска заедно со припадниците на Специјалната антитерористичка единица „Тигар” реализираа голема акција во главниот град. Во акцијата се уапсени неколку криминалци осомничени за тешки кривични дела.РЕАКЦИИ ЗА ПОВЛЕКУВАЊЕ НА РУСКИТЕ ВОЈНИЦИ ОД ХЕРСОН
Русија најави дека нивните војници од украинскиот регион Херсон ќе се повлечат, но Украина уште е резервирана во својата реакција.
Украинскиот претседател Володимир Зеленски вели дека Украина ќе делува многу внимателно, без емоции, без непотребен ризик. Зеленски изразил внимателност по тврдењата на Москва дека ќе се повлече од западниот брег на реката Днепар во Херсон. Не ги открива плановите, но вели ќе се движат чекор по чекор.Повлекувањето на руските војници од Херсон го искоментира и српскиот претседател Александар Вучиќ.
Тој вели дека не очекувал руската армија така брзо да се повлече од единствената регионална престолнина што ја окупираше од почетокот на инвазијата на Украина. Кажа дека згрешил во прогнозата.
„Тоа нам ни покажува колку мораме сами да си ја креираме и да се грижиме за нашата безбедност. Мораме сами за себе да се грижиме ако сакаме да ја браниме нашата воена неутралност“, изјави Вучиќ по денешната средба со францускиот претседател Емануел Макрон во Париз.ЧИТАЈТЕ УШТЕ
Слично
Поврзани вести
