БУГАРСКИОТ АМБАСАДОР ДОБИЛ УСТЕН ДЕМАРШ

Бугарскиот амбасадор Жељазко Радуков денеска бил повикан во Министерството за надворешни работи и надворешна трговија, каде му бил упатен устен демарш поради употребата на терминот „северномакедонски“ од страна на шефицата на бугарската дипломатија, Велислава Петрова-Чамова.

-Денеска, во Министерството за надворешни работи и надворешна трговија беше повикан вонредниот и ополномоштен амбасадор на Република Бугарија во Република Северна Македонија, Жељазко Радуков, се вели во информацијата од Министерството.

На средбата, додаваат оттаму, на амбасадорот му бил упатен устен демарш во врска со несоодветното адресирање од страна на министерката за надворешни работи на Република Бугарија, Велислава Петрова-Чамова, која во својата вчерашна изјава за време на Советот на министри за надворешни работи на Европската Унија употреби несоодветна и неправилна придавка изведена од името на нашата држава, користејќи го изразот „северномакедонски партнери“.

По спроведена едногодишна истражна постапка, предметниот јавен обвинител од Основното јавно обвинителство за гонење на организиран криминал и корупција донесе наредба за запирање на истрагата во предметот поврзан со набавките на мазут за потребите на ТЕЦ Неготино. 

OБВИНИТЕЛКАТА ВЕЛИ ДЕКА НЕМАЛЕ ДОВОЛНО ДОКАЗИ

Обвинителството за гонење организиран криминал и корупција денеска на брифинг ги образложи причините поради кои е запрена истрагата за набавките на мазут за ТЕЦ „Неготино“. На брифингот присуствуваше и шефот на ОЈО ГОКК, Ислам Абази, а предметот го презентираше обвинителката Катерина Коларевиќ, која ја водела постапката.

Коларевиќ информираше дека досегашната истражна постапка чинела над 50.000 евра. Случајот беше отворен по кривична пријава на МВР, во која се наведуваа сомнежи за злоупотреби при јавните повици, незаконско склучување договори и анекси, како и перење пари, во период кога набавките се реализирале во услови на енергетска криза.

СТЕФКОВСКИ ГО ОСУДИ ИНЦИДЕНТОТ КОЈ СЕ СЛУЧИ ВО УЧИЛИШТЕ ВО ЧЕНТО

Градоначалникот на Општина Гази Баба, Бобан Стефковски, го осуди инцидентот што вчера се случил во основно училиште во населбата Ченто, при што е со нож е повреден ученик од деветто одделение.

Стефковски информира дека разговарал со членови на семејството на повредениот ученик, кои го информирале дека малолетникот се наоѓа на болничко лекување.

„Со жалење и сериозна вознемиреност ја примив информацијата за немилиот настан кој се случил во училиште во Ченто, каде што поранешен ученик кој минатата година го завршил своето образование во ова училиште, дошол и повредил ученик од девето одделение. Лицето кое го извршило нападот е обезбедено од МВР. Како градоначалник на Гази Баба изразувам најостра осуда на ваквиот чин. 

ЧИТАЈТЕ УШТЕ

На предлог на неколку пратеници, ќе се носи нов Закон за продажба на станови во државна сопственост доделени на користење на вработени во Министерството за внатрешни работи. 

Градежништвото и во 2025 година остана еден од секторите во кои се создаваат високи добивки. Но, листата на десетте компании со најголема заработка покажува и промена во структурата на пазарот. 

Финансиското друштво Цемак - Кредити на Миле и Тони Велески се најде меѓу десетте компании од Прилеп со најголеми остварени добивки во 2025. Компанијата за брзи кредити за минатата година има чиста заработка од 888.000 евра.

Непосредно пред да се одржат парламентарните избори во Бугарија се забележа засилена активност на пробугарските ботовски мрежи кои водат „света војна“ на македонскиот интернет простор и на социјалните медиуми, обидувајќи се да ја прошират пропагандата и да создадат длабоки поделби во општеството.

Македонските граѓани во последното тромесечје лани со автобус најчесто патувале во соседна Србија, но и во Германија, Италија, Швајцарија, Грција, Косово, Турција, Бугарија. До овие дестинации со автобус стигнале илјадници патници.