МНР ОБЈАСНИ ЗОШТО КОВАЧЕВ НЕ МОЖЕШЕ ДА ВЛЕЗЕ ВО МАКЕДОНИЈА

Министерството за надворешни работи преку соопштение во јавноста му одговори на бугарскиот европратеник Андреј Ковачев дека му бил забранет влез во Македонија на 6 мај поради сознание дека патувал во група заедно со пет лица за кои постојат индиции дека претставувале ризик по мирот и безбедноста за земјата.

Претходно Ковачев преку бугарските медиуми побара од МНР официјално да му објасни која е причината што не му било допуштено да патува во Македонија.

„Во таа насока, на 6 мај, на граничниот премин Ново Село, „поради неисполнување на условите за влез во Република Северна Македонија, согласно законот за странци, не било дозволен влез на група од петмина државјани на Република Бугарија“. Дополнително би сакале да нагласиме дека во оваа група со која патувал и европратеникот Андреј Ковачев, имало лица за кои во Министерството за внатрешни работи има сознанија дека претставуваат ризик по јавниот мир и безбедност.

ОСМАНИ ВЕЛИ ДЕКА КОГА ЌЕ ГИ ОБЈАВАТ УСТАВНИТЕ ИЗМЕНИ ПРОПАГАНДАТА НА ОПОЗИЦИЈАТА ЌЕ ПАДНЕ ВО ВОДА

Министерот за надворешни работи Бујар Османи, во интервју за Гласот на Америка рече дека очекува комисијата за уставни измени наскоро да излезе амандманите кои ќе се претстават во јавноста со цел да се отвори јавна дебата.

ЗАКАНИ ЗА МАСАКРИ ВО СРБИЈА

Mаж влегол во Соборниот храм во Ниш и оставил заканувачки писмо, дека ќе ги убие сите свештеници со експлозив. Kако што пишуваат српските медиуми, човекот е забележан на 7 мај од црковната безбедносна камера, а видеото веќе кружи на социјалните мрежи.

ЧИТАЈТЕ УШТЕ

„Премиерот Димитар Ковачевски има плата од 88.260 денари, а првиот вицепремиер Артан Груми работи за 70.478 денари“.

На предлог на пратеници од владејачкото мнозинство во Собрание е доставен предлог закон за измени на Законот за извршување. Согласно најавите на владејачката СДСМ, со измените најпосле треба да се стави крај на „осиромашувањето“ на граѓаните поради стари, а понекогаш и многу мали долгови. Со потпис на 12 пратеници во Собранието е доставен Предлог на Законот за изменување и дополнување на Законот за извршување по скратена постапка.

Неизвесноста со полагањето Државна матура продолжува. Државниот испитен центар нема намера да го прекине штрајкот кој почна на 24 април, практично еден месец пред првиот испит од матурата кој треба средношколците да го полагаат, а тоа е мајчин јазик. Загриженоста расте посебно кај оние ученици кои планираат да се запишат на некои од унверзитетите надвор од Македонија, но загрижени се и директорите на средните училишта кои во моментов и не знаат што да им кажат на матурантите.

Утре за прв пат со работа ќе започне Македонската берза на електрична енергија, која ќе биде имплементирана и водена од Националниот оператор на пазар на електрична енергија – МЕМО ДООЕЛ – Скопје. На почетокот берзата на електрична енергија ќе се одвива во границите на земјава и ќе биде по принципот ден-однапред. Досега струја се купуваше само преку тендери и билатерални договори. Овој тип на пазар се очекува да донесе посигурно снадување со струја за големите потрошувачи, поправични цени, помали загуби и поголема транспарентност.