БУЧКОВСКИ ПОНУДИ НОН-ПЕЈПЕР ВО БУГАРИЈА

„Отсекогаш мислам дека на масата на преговорите можат да бидат најдени решенија. Тековните и следните генерации нема да ни простат ниту на Бугарија, ниту пак Република Северна Македонија што не сме нашле компромис да се отвори перспектива “ изјави бугарскиот премиер Бојко Борисов на неговиот состанок денеска со специјајалниот пратеник на македонската влада, Владо Бучковски. 

Maкедонија нуди нон-пејпер на Бугарија со цел да се надмине спорот и да се отстрани блокадата. 

ОД КОРОНА ПОЧИНА 22 ГОДИШЕН ПАЦИЕНТ

Короната однесе уште еден млад живот. 

Од коронавирусот почина и 22 годишен пациент од Скопје во последните 24 часа. 

Од вирусот починаа и млади луѓе, а вчера најмладиот починат имаше 28 години. 

Во Македонија има над 21.000 активни случаи на коронавирусот. 

24 МАЈ СТАНА ДЕН НА БУГАРСКАТА АЗБУКА

„Ден на светите браќа Кирил и Методиј, на бугарската азбука, образование и култура и на словенската литература“, вака го преименуваа бугарските пратеници празникот 24 мај, кој досега кај нив се славеше како „Ден на бугарското образование и култура и словенска писменост“.

Ова се практично се измени во Законот за работни односи, а прелогот беше на партијата ВМРО-БДН, чиј лидер е вицепремиерот и министерот за одбрана Красимир Каракачанов. Прелогот за преименување имаше поддршка и од коалицискиот партнер ГЕРБ.

МАНДИЌ ВЕЛИ ДЕКА БАШАНОВИЌ ЗА НЕА ИНТЕРВЕНИРАЛ КАЈ ЗАЕВ

Обвинетата Јасна Мандиќ, поранешната заменик-претседателка на организацијата „Меѓународен сојуз“ на Бојан Јовановски, на денешното рочиште рече дека советникот на Зоран Заев, Зоран Башановиќ, ургирал кај премиерот таа да не оди во притвор како осомничена во случајот.

БИТИЌИ ГИ ОБЈАВИ ИМИЊАТА НА СОВЕТНИЦИТЕ

Фатмир Битиќи вицепремиерот за економски прашања ги објави сите советници во Иницијативата „За Татковината со љубов“. 

Вели дека е неформално тело, платформа за дискусија со луѓе кои можат да дадат мислење, совет или експертиза за да се дојде до поквалитетни предлози и политики. 

„Тие не се професионално ангажирани како советници во мојот кабинет или во Владата, ниту нивните мислења се обврзувачки за Владата ниту пак ќе примаат каков било надомест. Покрај оваа неформална група, јас секојдневно разговарам со различни претставници од бизнис заедницата, академци, граѓани. И нивните барања и мислења влијаат на предлозите што ние потоа ги даваме и ги усвојуваме како Влада. Секако, Владата работи по свои јасни методологии и процедури и секоја дискусија и консултација која ние како политички претставници ја правиме, на крај се преточува во одредена предлог одлука, политика, стратегија, акциски план и за сето тоа е навремено информирана јавноста, стои во објавата.

ЧИТАЈТЕ УШТЕ

Во периодот кој следи до пристигнувањето на вакцината во Македонија, здравствените власти очекуваат одговори на низа прашања поврзани со имунизацијата против Ковид-19. Во разговор за Фактор, еден од врвните епидемиолози во земјава и член на Комисијата за заразни болести, д-р. Александар Стојанов, вели дека очекуваат детални напатствија од самите компании за начинот на чување на вакциние, до начинот на аплицирање.

Владата вчера обелоден дека скроила закон за „рамковно“ вработените административци, нагласувајќи дека со него ќе им понуди две шанси за да почнат со работа, а ако не ги прифатат - ќе добијат отказ.

Не само поранешниот вицепремиер Владимир Пешевски и екс-министерот за финансии Кирил Миновски туку и други поранешни функционери и многу професори се дел од иницијативата „За татковината со љубов“.

Кабелските оператори по се изгледа дека ја добија битката во врска со спорниот член од Законот за аудио и аудиовизуелни медиумски услуги, кој им налагше да одговараат под материјална и кривична одговорност за содржините од странските канали што ги реемитуваат.

Владата го раскинува договорот за јавно-приватно партнерство кој се потпиша под контроверзни и нејасни околности со „Сархемс“, компанијата регистрирана во Македонија за хеликоптерски спасувачки систем, откако претходно беше објавен јавен повик. 

Кирил Миновски поранешниот министер за финансии во Владата на ВМРО-ДПМНЕ за Фактор попладнево изјави дека не е дел од Иницијативата „За татковината со љубов“ на вицепремиерот Фатмир Битиќи.

Според агрономот Иван Зафировски од Битола, ако во претстојниот период наврнат уште 20 литри дожд  на метар квадратен ќе биде идеално. Вели дека од есенската сеидба само 30 отсто од посеаните житарици се никнати и овие врнежи се повеќе од добредојдени, затоа што имавме долг и сушен период. Практично три месеци во земјава имаше сушен период.