АРСОВСКА ПРОМОВИРАНА КАКО ЛИДЕР НА НОВА АЛТЕРНАТИВА

Јас сум најнапаѓаната личност во Македонија, нападите се инспирирани од многу страв, вели скопската градоначалничка Данела Арсовска која застана на чело на партијата Нова алтернатива. 

„Имаме луѓе на кои што граѓаните можат да им веруваат“, рече Арсовска.

ВЛАСТА РАЗМИСЛУВА КАКО ДА ИМ ПОМОГНЕ НА ОНИЕ КОИ НЕМА ДА ИЗВАДАТ ПАСОШИ НАВРЕМЕ

Речиси е невозможна мисија пасошите да важат по 12 февруари, бидејќи станува збор за обврски на меѓународниот договор кои стапуваат на сила, рече денеска министерот за надворешни работи Бујар Османи. Според информациите кои тој ги има, грчката страна има разбирање за техничките аспекти, но не треба да се заборават обврските.

„Тоа е меѓународен договор, ратификуван во Парламент, не е одлука на влади на државите. Најдобро е да се договориме да бидеме во секојдневна комуникација со грчката страна за граѓаните да немаат проблеми по 13 февруари, по однос на транспортерите, сообраќајните дозволи, пасошите“, нагласи шефот на дипломатијата.

ПРЕДИСТРАГА ЗА СЛУЧАЈОТ СО ЛАЖНИ ФАКТУРИ ЗА НАФТЕНИ КОМПАНИИ

Обвинителството за гонење организиран криминал и корупција отвори предистражна постапка за случајот со 3 нафтени компании кои со фиктивни фактури се обиделе да украдат пари од државата преку враќање на ДДВ. Предметот е во предистрага и е поврзан со сомнежите што ги објави Управата за јавни приходи.

ЧИТАЈТЕ УШТЕ

Најстресни професии се оние кои се примарно насочени кон работа со луѓе, работни места кои бараат голема одговорност и управување со голем број на луѓе.

Руска нафта со индиска етикета наголемо се увезува и троши во 20 држави членки на ЕУ. Единствена разлика е тоа што сега се плаќа поскапо од претходно зашто наместо да се купува директно од Русија се купува од Индија, утврдил британскиот весник „Индипендент“

Бизнисменот Ванчо Чифлиганец и „Адора“ ќе добијат повеќе од двојно за годинешното изнајмување на топланите Исток и Запад за потребите на ЕСМ Производство на топлина за обезбедување на парно греење на скопјани.

Во втората недела од новава година, се случи уште едно државно задолжување на домашниот пазар. Тоа следува откако на втори јануари годинава државата издаде две домашни државни обврзници и тоа на прилично голема вкупна сума, од 189 милиони евра.

фото Фејсбук/Данела Арсовска