ФАКТОР НА ДЕНОТ: Aмбасадата на САД со став - ’Бехтел’ не е ентитет на американската влада
АМЕРИКАНСКАТА АМБАСАДА СЕ ДИСТАНЦИРА ЗА ДОГОВОРОТ СО БЕХТЕЛ И ЕНКА
Амбасадата на САД тврди дека нема нејзина вмешаност во постигнувањето на договорот помеѓу Владата и турско-американскиот конзорциум „Бехтел и Енка“ за изградба на автопатските делници од коридорите 8 и 10-д. Во одговор до телевизијата „Алфа“, од амбасадата велат дека „Бехтел“ не е ентитет на американската влада и дека тие не се дел ниту од преговорите, ниту имаат некаква улога во условите од договорот.
„’Бехтел’ не е ентитет на американската влада и ова не беше договор на американската влада. Иако Амбасадата на САД не е вклучена во одредувањето на исходот од приватните инвестиции, поттикнувањето на економскиот развој и комерцијалното партнерство меѓу Соединетите Американски Држави и Северна Македонија останува една од примарните мисии на Амбасадата. Амбасадата понекогаш служи како советодавен капацитет за деловната клима во Северна Македонија за американските компании кои сакаат да се прошират овде, но не презема никаква улога во преговорите или диктира услови за каков било договор. Прашањата за преговарачкиот процес и резултатите треба да се упатат до преговарачките страни“, велат од амбасадата за „Алфа“.СПЕЦИЈАЛЦИ УПАДНАА ВО ИДРИЗОВО
Припадници на специјалната едница на МВР повторно прават претреси во затворот „Идризово“ во кординација со затворската управа.
Како што известува „Макфакс“, блокирани се сите влезови и излези на полуотвореното и отвореното одделение, односно новиот дел на затворот.
ЌЕ СЕ ИСПИТУВА ОДГОВОРНОСТА НА ПОЛИЦАЕЦОТ КОЈ УБИ МИГРАНТКА
Постапувајќи по кривичната пријава доставена од Министерството за внатрешни работи, јавен обвинител од Основното јавно обвинителство за гонење на организиран криминал и корупција до судијата на претходна постапка при Основниот кривичен суд Скопје, поднесе предлог за определување на мерката притвор против лица осомничени дека во текот на вчерашниот ден сториле кривично дело Криумчарење на мигранти од член 418 – б став 2 во врска со член 22 од КЗ.ЧИТАЈТЕ УШТЕ
Слично
Поврзани вести
