AЛИУ НЕ ПОДНЕСЕ ОСТАВКА

Mинистерот за информатичко општество и администрација, Азир Алиу денеска на прес-конференција проговори за денешните најави околу најавена оставка.

„Денеска во јавноста провејуваше шпекулација дека јас ќе се откажам од овој предизвик, тоа веројатно доаѓа од луѓе кои не ме знаат доволно добро или можеби од луѓе кои тоа го сакаат“, кажа Алиу.

ГРУБИ ВЕЛИ ДЕКА ПУТИН САКА КОНФЛИКТ МЕЃУ МАКЕДОНЦИТЕ И АЛБАНЦИТЕ

Вицепремиерот Артан Груби на денешната панел дискусијата „На патот кон ЕУ: Искористување на можностите за брза интеграција“, рече дека рускиот претседател Владимир Путин сакал да ја дестабилизира Македонија со меѓуетнички конфликти.

„Замислете, имаше изјави од министерот за надворешни работи Лавров и неговата портпаролка Захарова и од претседателот Путин, кој ги познаваше сите села во Македонија и ги спомна во неговите интервјуа во меѓународните медиуми и рече дека Македонија е линијата на огнот за Русија во врска со НАТО проширувањето. Ова е изјава цитирана од г-дин Лавров, а потоа тоа господин Путин го охрабри во своите медиуми, спомнувајќи го и Грушино од Куманово во своите интервјуа, дека ги познава сите села во Македонија, за да поттикне меѓуетнички тензии меѓу Албанците и Македонците“, рече Груби.

ЕВАКУИРАНИ МАКЕДОНСКИ ДРЖАВЈАНИ ОД ГАЗА

И последните тројца наши граѓани, мајка сo две деца кои претходно по сопствен избор беа останати во Газа, на нивно барање, во текот на изминативе 24 часа веќе се евакуирани оттаму. По привремено вдомување во Каиро, семејството ќе биде упатено кон дома, информираат денеска од Министерстото за надворешни работи.

ЧИТАЈТЕ УШТЕ

Македонија, за жал, сè уште се бори за намалување на бројот на случаите со цервикален карцином, односно рак на грлото на матката, бидејќи според последните податоци инциденцата во нашата држава е 20-21 случај на 100.000. Во неделата за превенција од ракот на грлото на матката, Фактор разговара со д-р Игор Алулоски, гинеколошки онколошки хирург во Клиниката за гинекологија и акушерство.

Луѓето во поодминати години, доколку имаат можности бегаат од урбаните средини каде воздухот е загаден, каде има метеж и престојуваат на село каде е помирно.

Иако е тешко или речиси неверојатно дека ќе најдете граѓанин што ќе рече дека горивата се евтини статистиката пресметала дека во периодот јануари – ноември сме заштедиле 640 милиони евра на увоз на минерални горива. За овој период целиот увоз на стоки во Македонија надминал 10 милијарди евра

Што се случува на пазарот на труд во земјава? Ова прашање се поставува откако во декември дојде до сосема спротивен тренд во поглед на бројот на невработени лица од сето она што се случуваше во претходните месеци и години, практично откаоко индустриите закрепнаа од големиот корона удар, односно неработењето предизвикано од локдауните кои ги наметнаа властите со цел да се заштити здравјето на граѓаните.

Владата на 9 јануари со решение го назначила Фатон Асани за национален координатор за соработка со дијаспората, како нова функција што се воведува. Асани е поранешен директор на Агенцијата за управување со одземен имот, каде во март минатата година  како кадар на СДСМ ја отстапи функцијата за да направи место за Дритон Небиу од Алијанса.