ВЛАДАТА ДЕМАНТИРА ДЕКА ЌЕ ИМА ПРИФАЌАЊЕ АЗИЛАНТИ ОД БРИТАНИЈА

Македонската влада негира дека преговара со Велика Британија за прифаќање на баратели на азил. Британскиот Тајмс јави дека двете влади водат разговори за отворање центри за враќање на мигранти.

Според извештаите, Северна Македонија е една од двете балкански држави кои се заинтересирани за шемата. Втората е Косово. Велика Британија би им плаќала за секој мигрант што ќе го прифатат.

Владата ги демантираше пишувањата и тврди дека не се преговара за такво нешто.

Струшката полиција поднесе барање за поведување прекршочна постапка против Општина Струга и градоначалникот Меди Ќира зошто на прославата на Денот на албанското знаме воопшто не беше истакнато државното знаме.

„ОВР Струга поднесе барање за поведување прекршочна постапка против правното лице-општина Струга и против одговорното лице М.Ќ.(65) од струшкото село Биџево, поради сторено дело спротивно на член 6, а казнивo по член 11 од Закон за употреба на знамиња на заедниците во Р.С.Македонија.

ЗАЕВ МУ ОДГОВОРИ НА ГРУЕВСКИ

Во препукување на социјалните мрежи помеѓу двајца поранешни премиери, се огласи Зоран Заев откако Никола Груевски претходно напиша дека овој првиот тргувал со руски челик. 

Заев му порача на Груевски дека од Русија „не добил ни капка вода“ и дека досега ако не пребегал во Унгарија ќе ја одлежел затворската казна и ќе бил слободен.

ЧИТАЈТЕ УШТЕ

Алба Енерги Груп, фирма на косовскиот државјанин Флетон Садику, поднела барање до Владата за издавање на овластување за изградба на нов енергетски објект за производтво на електрична енергија. Доколку му го одобри, Садику ќе може да ja изгради најголемата домашна фотоцентрала на местото на напуштените штипски села Јамуларци и Скандалци.

Угостителот од Чаир, Недим Рама, е поставен за нов извршен директор на акционерското друштво во државна сопственост „Номагас“ кое оперира со преносот на природен гас и ги гради гасоводите во земјата.

foto printskrin