НОВИ ДЕТАЛИ ОД СУДЕЊЕТО ЗА „ПУЛС“

Со изведување на материјални докази од Обвинителство, денеска во судницата во „Идризово“ продолжива судењето за пожарот во кочанската дискотека „Пулс“, во кој загинаа 63 лица, а над 200 беа повредени.

Обвинителството презентираше докази обезбедени од Министерството за економија и труд, сектор за туризам и угостителство, а за кои рече се однесуваат на релевантни околности како започнала работата на објектот, иако притоа во континуитет формално и суштински не постоеле услови и не биле исполнети минималните технички услови за работа на објектот.

„БЕЗБЕДЕН ГРАД“ И ВО ОХРИДСКО

Проектот „Безбеден град“ се воведува и во охридско. 

СВР Охрид ја известува јавноста, посебно возачите на моторни возила дека од денеска, современиот систем за сообраќаен надзор „Безбеден град“ (Safe City), кој, официјално стартуваше од 1 февруари 2026 година, постепено се воведува и на подрачјето на СВР Охрид.

„Денеска, по извршеното финално тестирање,  стручни екипи ги ставија во функција безбедносни камери на автопатската делница кај Ново село, општина Дебрца. Во наредниов период, се очекува проектот „Безбеден град“ да профункционира и на патниот потег помеѓу селата Горенци и Требеништа, на останатите пофрекфентни сообраќајници и на коридорите 8 и 10 на подрачјето на СВР Охрид. 

КЛЕКСАН И ФРАКСИПАРИН ОД ЈУЛИ ЌЕ БИДАТ НА ПОЗИТИВНАТА ЛИСТА

Нови лекови на позитивна листа од јули, најави денеска директорот на Фондот за здравствено осигурување, Сашо Клековски, на брифинг со новинарите.

- Значи, конечно ќе ги има во аптека Клексан и Фраксипарин, и плус уште еден. Се работи за лекови, антикоагуланси. Генерално, за неколку различни популации. Да кажеме од акутни случаи, постоперативно, за спречување на коагулации после тешки интервенции. На пример после замена на колк, се користат кај повозрасната популација со срцеви проблеми - појасни директорот.

На новинарско прашање, тој одговори дека тоа кај нас со бремените жени стана широка пракса, а во индикациите на Клексанот никаде не пишува бремени жени дека треба да го земаат. Треба да го земаат бремени жени со одредени индикации, а не бремени жени само по себе. Кога станува збор за овој лек, во индикации немало одобрение во Малмед таква употреба.

СИЛНИ ЗЕМЈОТРЕСИ ЈА ПОГОДИЈА ВЕНЕЦУЕЛА, ИМА ЖРТВИ И МНОГУ ИСЧЕЗНАТИ

Во Венецуела моменталниот број на исчезнати лица по земјотресите е 26.086.

На веб-страница формирана по разорните земјотреси, луѓето споделуваат фотографии од блиските кои не ги нашле. 

ЧИТАЈТЕ УШТЕ

Финансискиот лизинг во Македонија ќе се доуредува со законските измени кои веќе се во собранието. Според предлагачите, со ова треба да се постави посовремена и построга правна рамка за основање, работење и надзор над давателите на финансиски лизинг.

Министерот за внатрешни работи Панче Тошковски преживеа уште една интерпелација во македонското Собрание, ја доби довербата од пратениците на владејачкото мнозинство и не ги послуша повиците на опозицијата да си поднесе барем оставка од морални причини по бројните системски пропусти на македонската полиција.