ОД УТРЕ ВО СКОПЈЕ ЌЕ ИМА НОРМАЛЕН ЈАВЕН ПРЕВОЗ

Утре изутрина од 4:45 часот јавниот градски ќе продолжи нормално да функционира како во деновите наназад, изјави претседателот на Синдикатот на ЈСП Скопје, Миќо Стојановски по завршувањето на вонредната седница на Советот на Град Скопје на која беше донесена одлуката за доделување собвенции на јавното градско сообраќајно претпријатие.

„Благодарност до луѓево позади, 500 луѓе што денеска ни дадоа голема поддршка и смрзнаа на овие минусни температури. Благодарност и до 25-те советници во Советот на Град Скопје кои се и од опозицискиот дел што веќе е донесена одлука целосната субвенција за 2024 година на ЈСП да се префрли дали одеднаш или како ќе се договорат за да бидеме мирни во 2024 година“, изјави Стојановски по завршувањето на седницата.

ЃОРЃЕ ДАВИД ОСТАНА БЕЗ ПАСОШ

Српскиот пејач Ѓорѓе Давид остана без пасошот, по сообраќајката близу Табановце, каде загина 49 годишна жена од Куманово. 

„На предлог на Основното јавно обвинителство Куманово, на српскиот пејач Ѓорѓе Давид, кој учествуваше во тешка сообраќајна несреќа кај Табановце, во кое едно лице загина, му се изречени мерки на претпазливост – привремено одземање на патните и другите исправи (лична карта и возачка дозвола) за преминување на државните граници и обврска за пријавување во суд“, соопштија од Обвинителството.

Сообраќајната несреќа се случи доцна навечер во саботата. Српскиот пејач поминал со полесни повреди и помош му беше укажана во кумановската болница. 

ТАТКОТО НА ВАЊА ОСТАНУВА ВО ПРИТВОР

Таткото на малата Вања која беше свирепо убиена останува во притвор.

Ваква одлука донел Кривичниот суд откако одбранатра на таткото Александар бараше неговиот притвор да биде заменет со поблага мерка, односно куќен притвор. 

ЧИТАЈТЕ УШТЕ

Се јавуваат, резервираат сместување и потоа не доаѓаат. Ова повремено се случува во туристичките центри во државата, поради што луѓето кои поседуваат сместувачки капацитети си бараат капар.

Над 26.700 странци во ноември биле туристи во Скопје! Речиси 80% од сите странски туристи во ноември престојувале во наши хотели со 4 или 5 ѕвездички. Секој трети странец што ја посетил Македонија во ноември дошол од Турција. А бројот на странски туристи овој ноември пораснал за 25%... Евала! Нека каже после некој дека ноември бил – тапа во туристичка смисла

Крајот на минатата недела го одбележале три блок трансакции, од кои две со акциите на домашната најмоќна фармацевтска компанија „Алкалоид“, и една со најголемата банка во земјава Комерцијална банка.

Македонскиот народ дефинитивно повеќе сака да штеди отколку да се задолжува. Тоа барем го покажуваат податоците на Народна банка на Македонија, кои говорат дека македонските домаќинства во банка на крајот на минатата година чувале вкупно близу 5,7 милијарди евра, или прецизно 5,671 милијарда.

Извештајот за работата на Регулаторната комисија за домување за втората половина од минатата година, или поточно за периодот од први јули до крајот месец декември 2023 година е пред собраниските пратеници.