Иако идниот мандатар, Христијан Мицкоски, веќе јавно потврди дека нашата земја ќе ја вика само Македонија, но ќе го почитува новото име на земјата во официјалните средби, намерата на ВМРО-ДПМНЕ да продолжи по патот кон Европската унија, и покрај досегашните „натегања“ може да се види и од новиот Закон за за организација на работата на органите на државната управа.

Законот во Собрание го достави токму Мицкоски, при што посочи дека неговата цел е поставување на поголем фокус на работите во областите на енергетиката, минералните суровини, рударството, како и на спортот.

Едно од сосема новите министерства кои се најдоа во Законот е Министерството за европски прашања. Како што е истакнато, ова министерство ќе ги координира и усогласуваа работата на органите на државната управа и другите органи и институции, за подготвување на Републиката за членство во Европската унија.

Притоа, ќе ги координира работите и за преговори за членство во Европската унија.

Меѓу неговите надлежности се и координација на активностите за спроведување на Спогодбата за стабилизација и асоцијација склучена меѓу Републиката и Европските заедници и нивните земји членки и другите договори склучени меѓу Републиката и Европската унија, како и на работните тела формирани во рамките на склучената спогодба и другите договори со Европската унија.

- Подготвување на македонската верзија на правото на Европската унија (acquis communautaire), обезбедување координација за усогласување на работата на претставниците на Републиката во институциите и телата на Европската унија, ќе обезбедува координација на странската помош од Европската унија и нејзините земји членки и другата странска помош поврзана за реформите комплементарни на процесот на интегрирање на Републиката во Европската унија  - пишува во законот доставен во Собранието. Воедно е посочено дека тие ќе бидат задолжени за информирање на јавноста за активностите поврзани со процесот на европска интеграција и европските прашања.

ЕНЕРГЕТИКАТА ВО ФОКУСОТ

Сосема ново Министерство, согласно планот за реорганизација би било Министерството за енергетика, рударство и минерални суровини доколку законот бие изгласан во Собрани, имаќи предвид дека за вакви измени потребно е двотретинско мнозинство.

Ова министерство ќе биде задолжено за енергетиката, енергетската политика и планирањето на развојот во областа на електрична енергија, природниот гас, нафта и деривати на нафта, топлотна енергија и термални води, како и други видови на енергија и нивна експлоатација.

-  Снабдување со енергија, спроведувањето постапки за селекција и именување на органите на раководење, управување и надзор во правните лица од областа на енергетиката во целосна или доминантна државна сопственост. Стратегијата и политиката за енергетска безбедност, рационалната употреба на енергијата и енергетска ефикасност, обновливи извори на енергија – се меѓу задолженијата на ова министерство.

Воедно вработените во оваа институција ќе бидат задолжени за координацијата на работата и реализација на енергетските инвестиции, за рударството, стратегија и политика за развој на рударството, како и за експлоатацијата на минерални суровини и геолошки ресурси, потоа за геолошките истражувања и истражувања поврзани со експлоатација на минерални суровини. Тие ќе бидат задолжени и за изработката на програма за истражувачки работи од областа на основните геолошки истражувања поврзани со одржливото користење на ресурсите. Воедно под нивни ингеренции ќе биде Бирото за метрологија.

П.О.