Европскиот парламент од денеска расправа за провокациите на Бугарија кон Македонија
Европскиот парламент од денеска ќе расправа, по што ќе гласа за годишниот Извештај за Македонија. Парламентарните групи на Зелените и Социјалистите доставија предлози за измени и дополнувања, кои се однесуваат на непримерно и провокативно однесување на бугарските власти.
Во амандманот, претставници на бугарската Влада се обвинети за провокативни изјави за историски прашања кои ја засегаат Македонија и се повикуваат бугарските власти да се воздржат од такви изјави и покрај тековната изборна кампања во Бугарија.
Предлогот го дадоа четворица европратеници од Хрватска, Словенија, Австрија и Полска кои потенцираат дека Бугарија се однесува спротивно на духот на Договорот за добрососедство.
Бугарските европратеници најавија дека ќе гласаат против амандманите предложени од Социјалистите и Зелените во Извештајот за напредокот на Република Македонија, кои, како што оценуваат, содржат квалификации неприфатливи за Бугарија.
Слично
Поврзани вести
