ЕВРОПСКИ ЗЕМЈИ ЗАБРАНУВААТ ПРЕВОЗ НА ДЕЦА СО АВТОБУСИ ПРЕКУ НОЌ - треба ли и кај нас тоа да се направи
Во добар дел од земјите во ЕУ е забранет автобуски превоз на деца преку ноќ, односно од 22 часот па се до раните утрински часови.
Дали можеби треба да се размислува ваква мерка да се донесе и во земјава, но и да се изменат во таа насока одредени законски прописи, откако се случи страшната сообраќајна несреќа во која животот го загубија 44 лица, од кои многу деца, но и млади граѓани.
ТВ 21 го прашале јавниот обвинител Љубомир Јовески, кој вчера гостувал во студиото на ТВ21 во ClickPlus.
Јовески изјавил дека таква иницијатива секако треба да се разгледа, но има многу аргументи кои се за, а и кои се против.
„Секако дека од оваа трагедија мораме да извлечеме поуки и да донесеме некои нови закони. Но, ние не ги носиме законите, туку ги спроведуваме. Секако дека ако има иницијатива, може да се разгледа и тоа да нема автобуски превоз на деца преку ноќ. Има многу аргументи за, но има и против. Што би значело превоз на деца? Дали во тој случај нема да смеат да се превезуваат и нивните родители? Значи мора тоа детално да се разгледа“, објасни Јовески.
Слично
Поврзани вести
