Кризниот штаб веќе стори сé што е важно, но потребата од дел од персоналот ќе се чувствува најмалку уште половина година. Ќе имаме оружје, т.е. вакцината, и затоа таа треба да се користи што е можно поскоро, изјави епидемиологот Предраг Кон од Кризниот штаб на Србија.

Брзината на организирање на вакцинацијата директно ќе влијае на текот на пандемијата, рече Кон. Тој го наведе примерот на Израел, кој вакцинираше повеќе од милион луѓе за десет дена, додека вакцинацијата е многу побавна во САД.

„После првите два бранови, ние измеривме дека 27,5 проценти од луѓето биле во контакт со вирусот, а со третиот круг тој процент е околу 35-40 отсто. Потребно е 60 отсто од луѓето да бидат имуни, а за тоа е потребно да се вакцинираат околу еден и половина милиони од граѓаните на Србија. Сега се зависи исклучиво од нас“, рече Кон.

Епидемиологот вели дека треба да очекуваме од ден на ден ситуацијата да биде подобра, но и дека ќе ги почувствуваме последиците од поголемите собири и прошетки, особено во Белград, по Божиќ.

Основното прашање чиј одговор сакаат да го знаат сите граѓани е колку долго ќе носиме маски.

"Тоа првенствено зависи од имунитетот. Со 60 проценти, вирусот сè уште може да циркулира, но сигурно ќе биде помал од сега. Со цел вирусот да престане да циркулира во населението, потребно е да има повеќе од 80 проценти имунитет, а за тоа во Србија треба да се вакцинираат околу 3,5 милиони луѓе“, објаснува Кон.

Двоумењето со вакцинацијата е најлошото нешто што може да ни се случи, смета Кон.

„Треба јасно да се наведе дека сите вакцини се безбедни, и сè друго е прашање на афинитет за некои од вакцините“, рече Кон.

Епидемиологот вели дека мора да се сфати дека е потребно да се спроведе вакцинација затоа што чекањето ја забавува најсилната превентивна мерка.

"Треба да претставиме оптимизам сега. Нема чекање, државата направи сè што можеше досега, вакцината не може да стои, но треба да се користи веднаш. Имаме приоритет и повеќе нема двоумење", заклучи Кон.