Претставници на земјите-членки на ЕУ, Западен Балкан и Турција, Европската комисија и Европската централна банка, како и претставници на централните банки на Западен Балкан и Турција се состанаа денес на нивниот годишен дијалог за економска политика. Дијалогот има за цел да ги подготви Западен Балкан и Турција за идно учество во координацијата на економската политика на Европската унија (т.н. Европски семестар). Министерката за финансии Нина Ангеловска и гувернерот на Централната банка г-ѓа Анита Ангеловска-Бежоска ја претставуваа земјата.

Со оглед на избувнувањето на пандемијата „Ковид-19“, клучно е да се одржи дијалогот за економска политика во овие исклучителни околности со оглед на вообичаен координиран одговор на кризата. Силната солидарност меѓу ЕУ и Северна Македонија е демонстрирана со обезбедување медицинска и финансиска помош на ЕУ за борба против пандемијата „Ковид-19“.

И покрај потенцирањето на структурните слабости што треба да се решат на среден рок, како резултат на досега невидената санитарна криза предизвикана од пандемијата „Ковид-19“, годинешното водење на политиката се фокусира на мерките кои обезбедуваат непосреден одговор на фискална, економска и социјална политика за да се ублажат влијанието на пандемија, како и на преминот од краткорочни во поструктурни мерки за поттикнување на среднорочното закрепнување, порачуваат од Европската унија. 

Отааму нагласуваат кои треба да бидет клучните чекори.

Прво, во областа на макрофискалните политики, Упатството за политики главно се фокусира на фискалните мерки и алатките на монетарната политика за зачувување на макроекономската и финансиската стабилност.

Второ, во областа на структурните реформи, Упатството за политика се фокусира на зачувување на вработеноста, зајакнување на социјалната заштита, натамошно подобрување на деловното опкружување, како и давање поддршка на деловните активности погодени од кризата, особено малите и средни претпријатија и самовработените.