Меѓународните институции будно ја следат ситуацијата во земјата.

Од Европската унија денеска го прозваа претседателот Иванов да ги повика на итна консултација сите политички партии и да определи кој ќе формира широка и стабилна Влада.

Ппортпаролката Маја Коцијанчич пренесувајќи ја пораката на ЕУ повика на смиреност кај партиите и побара даделуваат на смирен и конструктивен начин и со целосна одговорност да ја решат моменталната состојба

„Како што знаете, државата нема време за губење, и во тој поглед очекуваме претседателот согласно Уставот, да повика на итни отворени консултации со политичките сили во земјата, и брзо да изнајде политички лидер во земјата за формирање на Влада, кој може да најде заедничка подлога за формирање на стабилна и солидна коалиција. И како што рековме претходно, таква коалиција треба да биде што е можно поширока и да се потпира на силен, сеопфатен реформски консензус и меѓуетничка соработка“, потенцира Коцијанчич.

ЕУ очекув  сите политички сили во земјата да го спроведат договорот од Пржино и итните реформски приоритети, кои се витални за прогресот на државата на патот кон Европската интеграција потенцирајќи дека широка Влада не е новитет во Брисел и повторно го кажа ставот на еврокомесарот Хан кој  порача дека е неопходно влада со широк консензус.