Oд Брисел велат дека на маса е финален компромис кој треба да биде прифатен од двете страни, во однос на францускиот предлог.

По најавата на францускиот претседател Емануел Макрон дека е уверен дека е постигнат добар компромисен договор за Бугарија и Северна Македонија, од Советот во ЕУ ги поздравија неговите напори, јави дописничката на МИА од Брисел.

– Ако предлогот биде прифатен ова ќе овозможи исчекор за кој ЕУ работи веќе две години, изјави висок дипломатски извор за новинарите во Брисел.

Тој рече дека ЕУ го поздравува ангажманот на француското претседателство да се постигне заеднички прифатливо решение за отворањето на преговорите со Северна Македонија.

Сега е време да кажеме да, вели претседателот на Европскиот совет, Шарл Мишел кој го поздрави изнаоѓањето на решение за спорот меѓу Македонија и Бугарија. Тој напиша на Твитер дека решението ќе го отвори патот за започнување на пристапните преговори на Македонија со ЕУ.

Македонија претходно го отфрли францускиот предлог како неприфатлив.