Министерката за локална самоуправа Ширет Елези смета дека треба што побрзо да се распишат локалните избори бидејќи наскоро истекува мандатот на единиците на локалната самоуправа, а сега се создадени услови за тоа штом веќе е избран новиот собраниски спикер.

„Му го честитам изборот за нов претседател на Собранието на Талат Џафери. Очекувам наскоро да се формира влада и институции, па затоа новиот спикер треба да ги распише и локалните избори како многу важно прашање“, посочи денеска министерката Елези.

Мандатот на градоначалниците и советите на општините истекува на 15 мај по што може да настане сериозна инстиуционална криза, а граѓаните да не можат да си ги остварат своите права од локалната самоуправа.