Премиерот Заев ги продолжува официјалните средби во соседна Бугарија.

За денес е предвидена средба на Заев заедно со министерот за транспорт и врски Горан Сугарески со министерката за енергетика Теменушка Петкова а акцентот ќе биде ставен на економијата.

Вчера македонска делегација имаше низа средби со премиерот на Бугарија Бојко Борисов и со претседателот Румен Радев.

“Разговаравме, ги приближивме ставовите кон потпишување на договор и тој договор би можело да се потпише ова лето – добрососедство, ни остана уште многу малку. Заедно ќе го прославиме Илинден во Македонија на 2 Август. Се согласивме тогаш да го потпишеме договорот за соработка меѓу нашите две земји. Премиерот Борисов ќе ја посети Македонија и ќе се поклони пред споменикот на нашата историја. Ние денеска ќе се поклониме пред споменикот на цар Самуил во Софија“ -изјави премиерот Заев.

Ја поддржуваме Македонија кон евроатланските интеграции, дестабилизацијата на Македонија ќе значи дестабилизација на границите, а ние сакаме стабилна земја, рече пак бугарскиот премиер Борисов.