Непознато лице со ознаки на приватна агенција за обезбедување нападна екипа на ТВ 24 со тоа што му се закануваше на снимателот Иван Камчев, а потоа и ја удри камерата со закана дека ќе ја искрши. 

- Велеше дека не смее Камчев повеќе да снима оти ќе му ја искршел камерата. Расправијата со непознатото лице траеше неколку минути. Тој се обиде да и забрани на нашата екипа да го снима трговскиот центар, наредувајќи ни да преминеме од другата страна на реката, па оттаму да снимаме. Откако се легитимиравме и побаравме од него да го стори истото, лицето се повлече, но продолжи со заканите, вели новинарот Владимир Тевчев.

Ова не е прв пат лица од обезбедувањето на штипскиот трговски центар да и се закануваат на екипата на ТВ 24 и да ја попречуваат професионално да си ја врши својата задача. Инцидентот новинарската екипа го пријавила во полиција.