Шефицата на бугарската дипломатија, Екатерина Захариева изјави дека никој не ги спречува соседите да се самоопределат. 

Вели дека тоа не може да се прави врз основа на историски лаги и антибугарска реторика. 

Според неа, нација што ја создаваат од 1944 година, не треба да се базира на лаги и антибугарска кампања, туку на вистината. 

Вели дека основата на договорот е заедничката историја. 

„Никој не го оспорува правото на Македонија да има држава и како да се самоопределува. Правото на самоопределување е човеково право“, истакна Захариева за бугарската Нова ТВ.

Захариева додаде дека заедничката бугарско-македонска Комисија за историски прашања мора да продолжи со работата.

Таа кажа дека во сите документи, како и во оние на Европската унија за почеток на преговорите се споменува и Договорот за пријателство и добрососедство што двете држави го постигнаа во август 2017 година.

Бугарскиот премиер, Бојко Борисов изјави дека ги сакаат и почитуваат Македонците, но порача дека не треба да си поставуваат невозможни задачи.