Се навршува една година од невремето што предизвика поплави во скопско при што загинаа 22 лица. 

На денешен ден минатата година скопскиот регион беше зафатен од обилни врнежи од дожд и силен ветер.

Луѓето кои беа жртви на невремето се од Сингелиќ, Стајковци, Смилковци и Арачиново. Во текот на едно деноноќие лани на 6 август во Скопје наврнале 92,9 литри на метар квадратен, а во текот на првите два часа од почетокот на невремето имало над 800 громови.

Тогаш многу домови останаа без електрична енергија, а околу 1000 граѓани беа евакуирани во текот на ноќта на 6 август.

Граѓаните од целата држава координирани од Црвениот крст, Кризниот штаб и надлежните институции во наредните денови се солидаризираа за собирање на најнеопходната помош за настраданите. 8 август 2016 беше прогласен за Ден на жалост во Република Македонија.