Едмонд Темелко по четврт пат ќе се кандидира за градоначалник на Пустец на локалните избори во Албанија, откако изборната комисија ја верификуваше неговата апликација. Тој е актуелен градоначалник на оваа општина и доколку победи тоа ќе му биде четврт мандат.

Темелко е предложен од единствената македонска партија, Македонска алијанса за европска интеграција (МАЕИ), додека носител на кандидатската листа за Советот на општината е Јордан Ставре од селото Туминец. МАЕИ со свои кандидати настапува единствено во општина Пустец.

Темелко е обвинет од СЈО во случајот „Титаник“. Во 2017 кратко време беше во истражен затвор, а во мај лани му беше укината мерката куќен притвор и му беше дадена можност да се брани од слобода под гаранција на приложен недвижен имот.