Еден угостителски објект е казнет и изречен му е налог за итна регистрација откако Агенцијата за храна и ветеринарство спроведе повеќе котнроли во зимските туристички центри низ земјва. 

Нивните контроли утврдиле дека од 18 оператори со храна, кои ги посетиле, само еден имал недоследнсот во работењето, и истиот не бил регистриран како оператор со храна во АХВ, додека останатите објекти работеле согласно законите. 

- По засилените вонредни контроли кои инспекциските служби на Агенцијата за храна и ветеринарство  (АХВ) ги спроведоа кај операторите со храна пред новогодишните и божиќните празници, контролите во угостителските објекти, домовите за стари лица и кујните во градинските и училиштата, во новата година, покрај со редовните, продолжува циклусот на спроведување и на засилени, вонредни контроли.

Во петокот, на 24.01.2025 година, како атрактивни за граѓаните во овој период од годината, АХВ  спроведе вонредни контроли во угостителските објекти и објектите за малопродажба во зимските туристички центри. Контролирани беа вкупно 18 оператори со храна во скијачките рекреативни центри Попова Шапка, Маврово, Пониква, Крушево, Пелистер и во Михајлово.

Инспекциските служби на Агенцијата утврдија недоследност во работењето само кај еден оператор, односно истиот не бил регистриран во АХВ како оператор со храна.За констатираната недоследност изречена е парична казна и даден е налог за итна регистрација - појаснуваат од АХВ во соопштението испратено до медиумите. 

Фото: Архива