Според податоците на Државниот завод за статистика, просечната цена на еден метар квадратен станбена површина во 2012 во Македонија изнесува 49.941 денари, што е за 0,4% помалку или само за 190 денари во однос на 2011 година кога изнесувал 50.131 денари. Во Скопје, просечната цена на еден метар квадратен станбена површина изнесува 58.687 денари што е за 0,5% помалку во споредба со 2011 година, додека во останатите населени места во државата таа изнесува 43.328 денари, што е за 4,9% повеќе во споредба со 2011. Што се однесува до просечната цена на еден метар квадратен  во второто полугодие од 2012,таа е намалена за 5,4% во однос на првото полугодие, а во Скопје намалувањето е за 5,8%. Наведените просечни цени на еден метар квадратен станбена површина се без данок на додадена вредност.