Џо Бајден му испрати писмо на Заев
Поранешниот потпоретседател на САД, Џо Бајден, му испрати писмо на македонскиот премиер Зоран Заев во кое му честита за „историскиот договор со Грција во Преспа“. Истакнува дека му претставувало чест што се сретнал со шефот на македонската влада на Конференцијата за безбедност во Минхен и за разговорот низ кој размениле мислења за актуелните политички прашања и „со нетрпение го очекува денот кога Република Северна Македонија ќе биде пречекана како полноправна членка на НАТО“.
-Уште еднаш Ви честитам на историскиот договор со Грција во Преспа. Уверен сум дека договорот е сериозен позитивен развој и за европската интеграција и единство. Како што реков на разговорот во Минхен, успехот на Северна Македонија е успех и за цела Европа, и тоа е добро за сите, пишува во писмото.
Бајден е уверен дека соработката помеѓу САД и Македонија се повеќе ќе се засилува во наредниот период.
Вашата визија ги постави темелите на безбедноста и сигурноста и Вашето лидерство како Претседател на Владата од граѓаните на Северна Македонија ќе биде запаметено по историското достигнување. Ве уверувам дека јас лично ќе се застапувам за вашите политики и посветеност за подобра иднина, се вели во писмото на поранешниот потпретседател на САД.
Слично
Поврзани вести
