Собранискиот спикер Талат Џафери откако денеска најави дека седниците ќе ги води на албански јазик, влезе во полемика со Никола Мицевски, кооринаторот на пратеничката група на ВМРО-ДПМНЕ, на стартот од пратеничките прашања.

- Собранискиот деловник за работа не ви дозволува седниците да ги водите на албански јазик. Во него пишува дека тие се водат исклучиво на македонски јазик како официјален и службен. Вие ги кршите прописите од овој документ - му се обрати Мицевски од собраниската говорница.

На ова Џафери му се обрати на албански дека има такво право бидејќи Законот за употреба на јазиците е повисок акт.

- Собранискиот деловник на работа треба да се прилагоди според одредбите од Законот за употреба на јазиците и да ги имплементира новите измени - му рече претседателот на Собранието.