Собранискиот претседател Талат Џафери му ја вратил иницијативата на лидерот на ВМРО-ДПМНЕ, Христијан Мицкоски за собирање потписи зашто не го користел уставното име на државата. 

Претседателот на ВМРО-ДПМНЕ, Христијан Мицкоски на Фејсбук напиша дека владиното мнозинство не ја примило граѓанската иницијатива за одложување на пописот. Тој го објави и дописот со кој претседателот на Собранието го известува за одбивањето и на истиот со маркер е пречкртано „Северна“ од уставното име на државата. Во дописот стои дека иницијативата за одложување на пописот не е примена, затоа што во неа стои дека се доставува до Собранието на Република Македонија, нешто што во правниот поредок на Републиката не постои, исто како и  „Закон за попис во Република Македонија“.