Собранискиот претседател Талат Џафери објасни зошто гласал против укинувањето на апанажата.

Според него, не се сите пратеници богати, и ќе бидат оставени на божја мислост.

„Сите имаме предвид дека Собранието не е локална самоуправа кое функционира без надоместоци. Образложението дека фунционерите се милионери и не треба да им следува апанажа, но што правиме со тие што не се милионери? Еве вие Крмов не сте милионер и ќе треба да останете на волја Господова. Држава се гради врз принципи“, рече Џафери.

Предлогот на Левица беше по завршувањето на мандатот пратениците, министрите и другите државни функционери да не можат да продолжат да земаат плата од државата, туку да бидат третирани како сите други граѓани. Лидерот на Левица, Димитар Апасиев напиша дека само 16 пратеници гласале „за“.