Две жени од Штип се инфицирани со британскиoт сој
Две жени од Штип се заразени со британски сој на коронавирусот.
Штипјанка на возраст од 70-ина години е првиот пациент со британскиот сој на коронавирусот на Инфективното одделение во Штип. Началникот на ковид центарот, Дијана Шишкова за МИА изјави дека пациентката е со средна тешка клиничка слика и веднаш, откако се информирани од Центарот за јавно здравје (ЦЈЗ), е изолирана во друга соба. Пациентката на ова одделение се лекува веќе пет дена и добива кислородна поддршка. Од штипскиот ЦЈЗ велат дека вчера се информирани и за втор случај со британскиот сој на коронавирус во градот.
Кај 25 охриѓани е потврдено присуство на новиот британски вид на коронавирусот.Министерството за здравство информира, согласно податоците од Институтот за јавно здравје во последните 24 часа се направени 2705 тестирања, а регистрирани се 416 нови случаи на ковид-19 во:
Скопје – 186, Прилеп – 37, Кавадарци – 29, Охрид – 23, Велес и Струга – по 16, Тетово – 13, Куманово – 12, Битола – 11, Струмица – 10, Гостивар и Штип – по 8, Кочани – 7, Гевгелија, Неготино и Крива Паланка – по 5, Радовиш и Делчево – по 4, Свети Николе и Берово – по 3, Кичево, Ресен и Дојран – по 2, Пробиштип, Валандово, Кратово, Богданци и Крушево – по 1.foto freepik
Слично
Поврзани вести
