По настанот на Клиниката за гинекологија  за наводно исчезнато бебе, кој се случи денеска од Министерството за внатрешни работи информираат дека до нив се поднесени две пријави.

Едната е од родител кој пријавил дека неговото дете било заменето, а другата од клиниката од каде што пријавиле дека тој се однесувал дрско и недолично кон персоналот.

Татко на бебето тврди дека од Клиниката за гинекологија во Скопје исчезнало неговото женско новороденче. Според неговите кажувања, бебето што го видел вчера по раѓањето, не е истото што му било покажано денеска, затоа што денеска било означено со погрешно презиме. Тој се сомнева дека бебето не е негова ќерка.

Во врска со настанот попладнево со допис реагираа и од Министерството за здравство преку кој информираа дека разговарале со директорката на Клиниката.

Тие ќе го испитаат целиот случај.