Шефот на државата, Стево Пендаровски, гостувајќи во емисијата Клик Плус на ТВ 21, синоќа обелодени дека пред околу една и пол година, две најголеми банки во Македонија, како и уште неколку институции во државата биле цел на хакерски напади.

„Пред година и пол, битни институции во државата, меѓу кои и две најголеми банки беа цел на хакерски напади. Мојот кабинет не го сметам во таа категорија, но неколку пати ни е соборуван сајтот. И банките и 2-3 други државни институции беа соборени. Имаше истрага од Обвинителството со форезничари и од странство. Заклучија дека нападот е од надвор, истрагата води до некои групи за кои не можеме да заклучиме дека се државно спонзорирани, но најверојатно имаат реалиција со некои држави, нагласи претседателот.