ДВЕ ЛИЦА ДОБИЈА КРИВИЧНА ЗА ДАНОЧНО ЗАТАЈУВАЊЕ - МВР ги гони за долг кој достигнува скоро 22 илјади евра
Поднесена е кривична пријава за „даночно затајување“ против правно лице од Струмица и двајцата управители на правното лице, објави Министерството за внатрешни работи.
Како што е наведено во нивното соопштение, две лица се теретат за избегнување на даночните обврски кон државата за 2024 година, однсоно за неуплаќање на данок чија вредност достигнувала скоро 22 илјади евра.
- СВР Струмица до Основното јавно обвинителство Струмица поднесе кривична пријава против правно лице од Струмица, В.Ј. (35) и С.П. (44), двајцата од Струмица, поради постоење на основи на сомнение дека сториле кривично дело „даночно затајување“ по член 279 од КЗ.
Пријавениот правен субјект како даночен обврзник, а В.Ј. и С.П. во својство на управители на истиот, за периодот во 2024 година избегнувајќи законска даночна обврска, поднеле даночни пријави до Управата за јавни приходи, а го немале уплатено данокот кој го должат на утврдените сметки, со цел да се стекнат со поголема имотна корист или вредност.
Утврдениот, а неплатен данок е по основ данок на додадена вредност, и тоа за периодот од 01.04.2024 до 30.06.2024 година во вкупен износ од 1.340.048 денари и за периодот од 01.10.2024 до 31.12.2024 година, во вкупен износ од 8.691 денари. На овој начин од страна на пријавените, за контролираните периоди во 2024 година, бил оштетен буџетот на Р.С.Македонија за вкупен износ од 1.348.739 денари - се наведува во нивното соопштение.
Слично
Поврзани вести
