Полицијата во Индија трага по маж кој наводно престојувал во хотел со пет ѕвезди речиси две години, уживајќи во сите погодности на луксузно одморалиште, но без да ја плати сметката.

Осомничениот Анкуш Дута резервирал соба за една ноќ на 30 мај 2019 година во хотелот Розеит Хаус лоциран во близина на меѓународниот аеродром во Делхи. Решил да го продолжи престојот и наместо една, во хотелот останал шести три ноќи, до 22 јануари 2021 година, велат претставниците на хотелот во пријавата во полиција.

Тој сега наводно му должи на хотелот 5,8 милиони рупии (над 7,6 милиони динари). Претставниците на хотелот тврделе дека мажот бил во здружение со персоналот, кој му помогнал да ги сокрие долговите кои почнале да се таложат додека уживал во луксузното одморалиште.

Поднесена е тужба и против неколку вработени во хотелот, меѓу кои и шефот на рецепција во хотелот, за заговор, фалсификување и изневерување.

„Персоналот на хотелот наводно лажирал, избришал, додал и фалсификувал голем број сметки поврзани со престојот на овој гостин во онлајн системот на хотелот. Системот се користи за следење и одржување на пријавување и одјавување гости од хотелот и нивните сметки Сметките се фалсификувани за да се сокрие висината и големината на долгот од надлежните, како и да се избегне откривање на нивните свесни, незаконски дејствија“, се заклучува во соопштението.

Според правилата на хотелот, доколку гостинот должи повеќе од педесет илјади рупии (над шеесет илјади динари), персоналот мора веднаш да ги извести властите. Меѓутоа, тоа не се случи во случајот на Дута, а системот откри дека најмалку педесет и две ноќи му наплатувале нула рупии. Наводно, вработените му помагале за да ги поделат меѓу себе парите што им ги дал во кеш.

На почетокот на оваа година, еден човек по име Мухамед Шариф беше уапсен бидејќи се преправал дека е вработен во кралското семејство Абу Даби и престојувал во луксузен хотел четири месеци без да ја плати сметката.

Еден од последните најпознати случаи на измамник кој оставил големи долгови на луксузни хотели е Ана Делви, која во 2017 година престојувала во најлуксузните хотели во Њујорк и позајмувала пари од богати пријатели и соработници, кои никогаш не ги вратила. Таа сега е во домашен притвор и во меѓувреме доби големо медиумско внимание како и серија базирана на нејзината приказна.