Двајцата пензионирани пилоти продолжуваат да гасат пожари, потпишаа договори со ДЗС
Двајцата пензионирани пилоти кои и досега ги гасеа пожарите низ Македонија, потпишаа договори за ангажман со Дирекцијата за заштита и спасување.
„Стојанче Ангелов, в.д. директор на Дирекцијата за заштита и спасување (ДЗС), вчера потпиша договор за ангажман на двата пензионирани пилоти за противпожарните авиони „ер трактор“, Стоје Арсовски и Васко Михалчев“, објави дирекцијата.
Ова значи, како што соопштија од ДЗС, дека сите три противпожарни авиони ќе бидат оперативни за гаснење на опасните пожари на отворено во нашата држава.
Инаку, вториот авион на ДЗС се очекува за кратко време да биде вратен од редовниот сервис од Австрија, а понатаму и третиот.
Слично
Поврзани вести
