Oткако двајца пратеници беа позитивни, сепак нивни колеги пратеници нема да одат во изолација. 

Ниту еден од пратениците кои биле во контакт со Лазе Таневски и Исмаил Јахоски нема да оди во изолација. Центарот за јавно здравје во Скопје ги заврши анкетите и проценката е дека немало ризик, објави ТВ24.

„Мерките за заштита биле почитувани, констатиравме дека нема потреба од изолација за други пратеници или вработени во собраниските служби“ – вели Александар Стојанов – директор на ЦЈЗ, за ТВ 24.

Јахоски е хоспитализиран на Инфективната клиника, а Лазе Танески е изолиран во домашни услови.

Владата ќе работи онлајн, а истото се препорачува за Собранието. 

Министерот за здравство, Венко Филипче вели дека пратениците треба да работат онлајн поради новонастанатата ситуација. 

Болниците се полни, а бројот на заразени од коронавирус од ден на ден расте.