Поради дефект на два 110кВ далекуводи, предизвикан од краткото невреме, остави делови од Скопје без електрично напојување. 

Според ЕВН Електродистрибуција, предизвикани се сериозни проблеми во дистрибутивната мрежа, поради силните ветрови и обилните дождови, кои што ја погодиле инфраструктурата.

„Засилени екипи на Електродистрибуција се на терен и работат на санација на штетите. Во моментот, два 110кВ далекуводи кои ги снабдуваат трафостаниците “Аеродром” и “Исток” се без напон. Се очекува екипите да работат непрекинато до целосно нормализирање на состојбата“, информираат од таму.

Граѓаните се замолуваат за трпение и разбирање додека се преземаат мерките за поправка на оштетените делови на мрежата. Електродистрибуција уверува дека прават се што е во нивна моќ за што побрзо враќање на снабдувањето со електрична енергија.