Дурловски ги повика Македонците да се борат за државата
Погрешна им е сликата за народот, не знаеја дека мандатите што ги освоија од народот не им се подарени, туку дека треба да ги заслужат и да работат за народот, а тие уште првиот ден постапија спротивно на волјата на народот. Затоа и сега народот им кажува: „Не, благодарам“, вели Игор Дурловски, директор на МОБ, во интервју за „Република“ кој е дел од иницијативата „За заедничка Македонија“ која веќе цела недела организира протестни маршеви.
- Ги охрабрувам сите, сите граѓани на Македонија, независно на која вера и нација ѝ припаѓаат, да излезат и да се борат за да си ја зачуваат државата, таа истата во која вложувале и во која секогаш ќе се враќаат каде и да живеат. Се буди народот, го има секој ден на улица во сѐ поголем број и со тоа кажува дека нема проблем со меѓусебните односи, туку со надворешните влијанија, кои преку внатрешни луѓе сакаат да ја нагрдат државата. А ние немаме друга, резервна држава, повика Дурловски.Денес „За заедничка Македонија“ наместо протестен марш ќе одржи музички хепенинг во паркот Жена борец.
Слично
Поврзани вести
