Претставникот на ОБСЕ за слобода на медиумите, Дуња Мијатовиќ, реагираше по нападот на новинарот Борјан Јовановски. 

Според неа, тоа е уште еден бесрамен обид за замолчување.

„Ова е неприфатливо однесување. Уште еден бесрамен обид за замолчување на храбриот новинар Борјан Јовановски. Надлежните мора да ја осигураат неговата безбедност“ - напиша денеска Мијатовиќ на својот Твитер профил.

Претходно Мијатовиќ ги осуди зачестените напади на новинари во Скопје, откако новинар и снимател беа нападнати на протест на иницијативата „За заедничка Македонија“. 

Новинарите мора да бидат во можност да ја вршат својата работа на слободна и безбедна средина, додаде Мијатовиќ.