ДУИ утре како опозициска партија ќе ги поддржи измените на Законот за локална самоуправа, за чие усвојување потребно е парламентарно двотретинско мнозинство,објави ТВ 24.

Со законските измени се предвидува продолжување на мандатот на актуелните в.д. градоначалници во Сарај, Аеродром и Гостивар до редовните локални избори во октомври идната година.

Инаку, пратениците од коалицијата „Европски фронт“ предводена од ДУИ во јуни годинава гласаа и за Законот за реорганизација на органите на државата управа, за чие усвојување, исто така, беше потребно двотретинско мнозинство.

За да бидат усвоени, измените треба да добијат двотретинско, но и Бадентерово мнозинство од пратениците, а доколку предлог-законот не помине, инаку во Сарај, Аеродром и Гостивар до крајот на годината ќе треба да се одржат вонредни избори за градоначалници.