Партијата на Али Ахмети на октомвриските локални избори за Кичево ќе се „бори“ со актуелниот градоначалник Фатмир Дехари.

Дехари повторно ќе се трка за општинската фотелја а за тоа според пишувањата на дел од медиумите кои се повикуваат на партијата, добил поддршка од 35 локални совети и другите локални партиски форуми.

Фатмир Дехари е роден на 17.09.1974 год. во село Србица – Кичево. 

Основното училиште го завршил во својот роден крај, а средното во градот  Елбасан, Република Албанија. Факултетот го завршил на Унивезитетот во Приштина во 1998 година. После дипломирањето, работи како професор во гимназијата ” Џевдет Дода ” во Приштина, а во 2001 премина како асистент во Приштинскиот и Тетовскиот Универзитет. Истата 2001 година се приклучува во ОНА (UÇK) и достигнува до називот Висок воин офицер на штабот од ОНА (UÇK).

После завршувањето на војната во Македонија и прогласувањето на примирјето, во 2002-2006 година е назначен заменик министер за внатрешни работи. Во 2008 работи и како директор на ПТТ-Подрачна единица во Кичево. На локалните избори во 2009 е избран за градоначалник на тогашната општина Осломеј.

Во 2011 магистрира, а после тоа во 2015 докторира на Универзитетот во Тирана, на Факултетот за социјални науки – Департмент на социјални работи и политики и се стекна со звање Др. на Социјални работи. Предава на Државниот Универзитет во Тетово. Има течно познавање на францускиот јазик, англискиот, српско-хрватски и македонскиот јазик. Тој е оженет и татко на три деца.