ДУИ не му нуди на СДСМ безусловна поддршка по поднесеното барање на коалициониот партнер за автентично толкување на членот од законот според кој треба да се спречи заживувањето на аболицијата на поранешниот претседател Ѓорѓе Иванов преку Уставниот суд за осомничени, обвинети и осудени поранешни функционери од претходната власт.

Коалициските партнери досега немаат усогласен став за одуката на Уставен суд да се преиспита дали поранешниот претседател Ѓорге Иванов имал или немал право да повлече помилување за тогашните осомничени, сега обвинети за случаи на СЈО.

„Сега се консултираме со локални и меѓународни правни експерти за правно да ја разјасниме оваа состојба “, велат од ДУИ за Алсат.

ВМРО - ДПМНЕ во оваа уставна одлука ја препознава политиката пред изборите, иако поголемиот дел од амнестираните во 2016 година се поранешни високи владини и партиски функционери. Опозицијата без одговор дали ќе го поддржи предлогот на СДСМ за автентично толкување на член 11.

„ВМРО ДПМНЕ во принцип е против амнестиите и помилувањата. ВМРО ДПМНЕ нема да поддржува амнестија и помилување. Ако Заев продолжи со својот план и ги налути граѓаните, ВМРО ДПМНЕ ќе излезе со нив на протести “, рече Наум Стоилковски, портпарол на ВМРО ДПМНЕ.