Портпаролот на ДУИ ја соопшти вечерашнава одлука на партијата на Али Ахмети. Бујар Османи рече дека имало конструктивна дебата но сепак, ситуацијата била деликатна и немале доволно аргументи да се определат за било која од опциите.

„Немаме доволно аргументи да се определиме за ниту една од 5-те опции кои ДУИ ги има веќе подолго време искомуницирано со јавноста“, рече Османи.

ДУИ ќе продолжи во наредните денови да ја разгледува ситуацијата и да преговара со сите партии се додека не ја донесе вистинската одлука, рече Османи.

На полноќ истекува рокот . Извесно е дека Никола Груевски ќе го пробие рокот за составување на нов владин кабинет бидејќи нема парламентарно мнозинство.

Македонија вечерва ќе нема Влада, а дали Груевски ќе го врати мандатот е неизвесно.