Најбогатите 500 луѓе во светот загубиле вкупно 128 милијарди долари од понеделникот наваму, откако американските акции забележаа пад трет ден по ред. 

Ова го покажа Индексот на милијардери на „Bloomberg“.

Најголемиот колапс го имаат американски милијардери кои загубиле вкупно 55 милијарди долари. Најбогатите Кинези имаат отпишано 14 милијарди долари.

Најголемата сума пари оваа недела има загубено американскиот инвеститор Ворен Бафет. Шефот на „Berkshire Hathaway Inc.“ има 3,74 милијарди долари помалку, па неговото богатство сега изнесува 86,7 милијарди долари. Малку помалку од него загубил основачот на социјалната мрежа „Facebook“, Марк Цукерберг, кој од своја страна останал без 3,71 милијарди долари.

Загуби во последните неколку дена претрпеа и раководителите на компанијата мајка на „Google“ – „Alphabet Inc.“, Лари Пејџ и Сергеј Брин. Секој од нив сега има околу 3 милијарди помалку. Основачот на индустриската групација „Inditex“, Аманcио Ортега го намали своето богатство за 2,5 милијарди долари.

По завршувањето на трговијата во четвртокот индексот „S & P 500 Index“  регистрира намалување од 1,3%, завршувајќи ја сиромашната тридневна серија со вкупен пад од 3,7%. Од своја страна, индексот на „Dow Jones Industrial Average“ загуби за еден ден 420 поени, откако американскиот претседател Доналд Трамп најави дека неговата земја има намера да воведе тарифи за увоз на челик и алуминиум.

Лошото претставување на берзите беше под влијание и од првото обраќање на функцијата на новиот гувернери на ФЕД, Џером Пауел кој ги разгори шпекулациите дека централната банка планира да го забрза темпото на парично затегнување.

Минатиот месец,  донесе загуби за најбогатите Американци. И во февруари Ворен Бафет беше меѓу најголемите губитници – неговото богатство се намали со 5,1 милијарди долари до 85 милијарди долари.