Доскорешниот градоначалник на Општина Сопиште Стевче Трпковски кој не ја доби поддршката од ВМРО-ДПМНЕ за нов мандат е назначен за директор на ЈП „Дрисла“, соопшти Град Скопје. 

Назначен е и нов директор на ЈП „Градски паркинг“, со кој повторно ќе раководи кадар на Демократскиот сојуз на Павле Трајанов. За директор е избран Владимир Кроневски, досегашен директор на Службен Весник, а во градоначалничките мандати на Коце Трајановски и Петре Шилегов беше раководител на сектор паркиралишта и помошник-директор.

Трпковски на позицијата доаѓа на местото на Самир Хусени, кој беше назначен од ексградоначалничката Данела Арсовска, а Кроневски на местото на досегашниот Мартин Гаврилски.