Донела пакет за осуденик во Идризово, полицијата пронашла прашкаста материја и марихуана
Полициски службеници ја лишиле од слобода 25-годишната В.А. од скопско, откако при преглед на пакет што го донела за осудено лице во Затворот Идризово биле пронајдени бела прашкаста материја и марихуана.
Според информациите од МВР, случајот се случил на 20.05.2026 година, во 15:30 часот, пред Казнено-поправната установа Затвор Идризово.
„Полициски службеници ја лишија од слобода В.А.(25) од скопско затоа што при преглед на пакет кој го донела за осудено лице биле пронајдени и одземени бела прашкаста материја и марихуана“, информираат од МВР.
Од полицијата додаваат дека по целосно документирање на случајот ќе следува соодветна пријава.
Слично
Поврзани вести
