Зелената партија ДОМ упати барање до властите итно да преземат краткорочни и среднорочни мерки за справување со високиот степен на загадување на воздухот кој достигна загрижувачки граници и го претвори Скопје во најзагаден град во светот.

„Македонија се гуши во смог со астрономски вредности и секое намалување на загадувањето значи спасено здравје и живот на граѓаните. Да не се обесхрабруваме дека не можеме да го сведеме загадувањето на нула, туку да дејствуваме за намалување на штетите со итни мерки, а паралелно со нив да ги започнеме среднорочните и долгорочните мерки, велат од партијата ДОМ.

Итни мерки од денес:

1. Воведување пар-непар режим за возилата
2. Бесплатен јавен превоз
3. Забрана за тешки товарни возила низ град
4. Забрана за возила под Еуро 4 стандард
5. Затворање на градилиштата
6. Преполовување на производството на индустриските објекти што загадуваат
7. Редовно собирање на отпадот
8. Редовно миење на улиците
9. Зголемени инспекциски контроли на општинските и државните инспектори за животна средина
10. Ослободување од работа на бремените жени и лицата со респираторни и кардиоваскуларни болести.

Среднорочни мерки за период од 1 до 3 месеци:

1. Носење на Законот за урбано зеленило кој е во собраниска процедура
2. Пропишување листа на дозволени горива во домаќинствата и индустријата (со забрана за нееколошки пелети со лепила)
3. Теренска контрола за почитување на листата од страна на комунални и инспектори за животна средина
4. Субвенции за печки на пелети, сончеви панели за топла вода, изолација на домовите
5. Субвенции за вградување плински уреди во возила што загадуваат
6. Субвенции за хибридни и електрични возила
7. Зголемување на возниот парк во јавниот превоз со електрични автобуси
8. Набавка на опрема за уништување на медицински и друг биолошки отпад во Дрисла (што е обврска на концесионерот)