Европската унија внимателно ја следи состојбата во земјава и договорот од Преспа односно неговата имплементација.

Ова го кажала портпаролката на ЕК, Маја Коцијанчич повторувајќи дека договорот од Преспа е израз на политичка храброст и лидерство во решавање на еден од најстарите спорови во регионот

Според Коцијанчич ова е уникатна можност да се надминат потешкотиите од минатото и да се зајакне помирувањето во регионот и во Европа. 

„Ги следиме националните процедури кои треба да се спроведат за да се имплементира договорот“ , истакнала Коцијанчич запрашана за коментар околу ратификацијата на Преспанскиот договор во Грција, по усвојувањето на уставните измени во македонскиот Парламент.